Երեւանի եւ Հայաստանի բազմաթիվ այլ քաղաքների փողոցներն ու մայթերը պատված են մերկասառույցով, արդյունքում դյուրին է սայթաքելն ու ընկնելը: Ինչպե՞ս ձմռանը խուսափել վնասվածքներից. NEWS.am Medicine-ի թղթակցին պատմել է Հայաստանի առողջապահության նախարարության գլխավոր վնասվածքաբան Վաչագան Այվազյանը:

Որոշ կանայք կարծում են, որ ձմռանը բարձրակրունկ կոշիկ հագնելը լավ գաղափար է, քանի որ կրունկը մտնում է ձյան եւ սառույցի մեջ՝ որոշակի կայունություն ապահովելով: Սա, մասնագետի պնդմամբ, սխալ կարծիք է: Ցանկացած բարձրակրունկ կոշիկ, նրա խոսքով, մեծացնում է ընկնելու վտանգը՝ ինչպես ձմռանը, այնպես էլ ամռանը:

«Աշխարհում ոչ մի մասնագետ չի կարող խորհուրդ տալ բարձրակրունկ կոշիկ հագնել: Հարթաթաթությունը, թաթի դեֆորմացիան եւ մի շարք այլ խնդիրներ բարձրակրունկների արդյունք են»,- նշեց մասնագետը:

Նյութի աղբյուրը ` NEWS.am

Comments

comments